Pars Today

İron İslam Respublika prezidenti votışe:İron nomerdə təcavuzonədə dim bə dim bə və boçimixoto ıştə silahlinə ğıvvon zuman kardeyu iyən rəket və təyyarə soxteyu heçkəsiku icazə nibəstəy.

İron İslam Respublika president Həsən Ruhani zinə tehronədə mudafiyə vəzorətxonə tojə soxtə bıə mhsolon bə meydon bekarde mərasimədə əlavəş karde ironi silahlinə ğıvvon  mudafiyə baxşi zuman karde fəğət məmləkəti mudafiyə kardeyu heste və heç vaxti bə coqlə məmləkəti zid oko doə nibəbe.

president Ruhani əlavəş karde məntəğədə balans təşkil kardeyu və ironi mudafiyə ğıvvə hifz karde ki yolə ğıvvon faydonış bə xəto eğandə və ədolət və ozodəti mesajış bə dınyo quş rusniyəşe  qıləy zəruriyə məsələy.

president Ruhani məntəğə bəzi məmləkəton iyən yolə ğıvvon və Amerkə mıxtəlif təcavuzkaron bə Nezə Şərğ işarəş karde və ıştə sıxanon dəvomədə əlavəş karde coqlə ğıvvon bə arə dəşe iyən sionist rejim ki bənə xərçənq noxəşəti mandəy həmmişə nezə şərğədə bə niqəranəti noəmni və məntəğəiyə canqon bois bəy.

ironi milli əmniyyəti aliyə şura rəisi əlavəş karde iron heç vaxti təcavuzqərəti ğəsdış bə ni və çimibəpeştə həm jıqo fikrış nibəbe əmmo həmmişə bəpe huşin bıbo çunki  islamiyə inğilabi səbarzəti bəpeştə çandəkərə siyasi hərbi və ixtisadiyə hucumonədə dim bə dim bə.

president Ruhani bə ironi zid təşkil bə canqi zəmanədə rəketi istihsal kardeş ironi milləti tələbış zınə və votışe: ironi millət ımruj bə həmmə ğıvvon fərmondə mudafiyə sənaye silahlinə ğıvvon sepah bəsic iyən polis fəxr kardedə.

İron İslam Respublika president həmçinin ironi mudafiyə planonku xəylion bə nəticə rəse həxədə işarəş karde və votışe: vertəliyot təyyarə tank və hərbiyə ğıvvon ovıştıneyu məxsosə maşinon soxte daxiliyə mıtəxəssison dastədə ironi millətiyu bə fəxr bois bəy.

president Ruhani zinə Kosər nomo  ironi 1 minnə bomiyə təlim doə  Cet təyyarə iyən Mohacer 6 nomo bıə taktiki təhğiğati iyən silahlinə bepilotə təyyarə və Nəsir nomo bıə kəştion zid rəket həmçinin Fəkor nomo həvoku bə həvo  rəketi bə meydon bevarde mərasimədə huzurış hest bı.