dınyo viro nibebəkarde ki,çın terror akti əmr Nyu-Yorkiku bekardə bıə
İroni prezdenti mesajədə seonist rejimi çı Livani Hizbullah sər katibi şəhodəti cinoyəti məhkum kardə holədə voteşe: dınyo viro nibebəkarde ki,çın terror akti əmr Nyu-Yorkiku bekardə bıə.
Bə İRNA doə məlumoti əsos;İron İslom Respublikə prezdent Məsud Pezeşkiyan ıştə mesajədə İslomi İnğılobi Ali Məğaminə Rəhbər və qırd məzlumon iyən çe dınyo ozodi piyə kəsonış de Seyd Həsən Nəsrullah şəhodəti mınosibəti təbrikış karde və voteşe:Beynəlxalğə iştimoiyyət viro nibebəkarde ki,çın terror aktı əmr Nyu-Yorkiku bekardə bıə və amerkəvıjon ıştə de seoniston bıə şərikəti inkor kardey əzınin.
İroni prezdent ıştə mesajədə çe Livani Hizbullah səyvonış çe mısılmınon fəxr,cihod iyən Mığoviməti rəmzış hisob karde və bəyonış karde,əv bəştə vey nığılə oruzu yəni bə şəhodəti həmməysə barzə mərtəbə rəsey oruzu noyil be.
İlahi roy hiç vaxti bekomandir və berəhbər nımandey bəyon kardə Pezeşkiyani ğeydış karde: Livani Hizbullah har zəmoniku ziyodə dəbəvəşe və de zolımi mıborizə pərçəm mıtləğən bəsə zəminisə nibəmande.
seonist rejimi ləşkər pəynə şəvi Beyruti cənubədə vağe bıə Zahiyyə zonəşon bombardımon kardə və çımi nəticədə Livani Hizbullah sər katib Seyd Həsən Nəsrullah şəhid bıə.
