Pars Today

İroni Yolə Rəhbər muxtəlifə meydononədə məxsusən səçınədə milləti əzəmətinə huzur və iştirok peydo kardeyo çı İroni milləti mənafe mıhofizə əkə və kişvəri əmonədə mande ijən deşmənon çəşi vədə çı İroni islamiyə nizomi əzəməti nışo doe boyis zınəşon bıə.

Həzrət Ayətullah Xamenei zinə çı İroni çand həzo moəllimon mılağat karde cərəyonədə İronədə səşıni bərpo bey çın nizomədə qıləy həyatiyə məsələ və çı dini demokratiyaku rişəş bıə mıvzo hisobışon kardə və votışoe: omə səçınədə həmmə cəmaət de harcurnə siyasiyə muxtəlifə səliğəon iştirok karde, İroni kişvəri əmonədə mande, əzəmət və çı milləti iğtidor və zumandəti mıhofizə əkə iyən qarantiya əkə boyis bəbe və jıqonə huzuri sayədə deşmən hiç faxt karde ni bəzne İroni milləti vədə hiç hərəkəti əncom bıdə.

İroni Yolə Rəhbər təkidışon kardə: İslamiyə Raspublika nizomədə jıqo ni ki Respublika və islam de yande i bıbun, bəlkəm əqə bə nı be səçın ımruj həm İroni islamiyə Respublikaku həm hiç əsəri nıbe.

Ə Həzrət əlovəşon kardə: deşmənon deşmənti karde vədə yeqanə mane icod əkə amil meydonədə milləti huzur heste boçi ki qıləy 80 milyoniyə kişvəri əzəmət de çəy zumandə cəmaət, hoşinə millət və çand milyon cıvoni vasitə çı deşmənon dılədə tars icod bəkarde.

İroni Yolə Rəhbər təsdiğışon kardə: səçınədə əsli və muhimmə mıvzo ğottion jentonədə həmmə cəmaəti hozzo peydo karde heste ta sabit bıbu ki millət bo islam və İroni nizomi himoyə dorti karde ijən İroni kişvəri oqəteyro kamilən hozzoətişon heste.

İroni Yolə Rəhbər Həzrət Ayətullah Xamenei ijən İronədə təlim və tərbiyəş elm və təhğiğon payə və əsos zınəşon bən və votışone: əqə təlim və tərbiyə bə səhihə bərnomə və siyasəton əsos hərəkət bıkə İron həm elmi və həm təhğiğ cəhətiku qəncin bəbe.