Vıjnımoni əmniyyət iyən səlomətəti hifz kardeyu ironi məmləkəti daxili koon vəzorətxonə məxsusə tədbiron.
İroni daxiliyə koon vəziri votışe:ironi həmmə vıronədə qıləy səlomət ğanoni iyən əzəmətinə vıjnımoni bərpo kardeyu şərayetin hozzı bən.
İroni prezidentəti vıjnımoni 12 minnə devrə 2017 minnə sori mayə manqi 19 minnə ruji bərpo bəbe.
bə telerədyo aqentəti xəbon əsosi ironi məmləkəti daxiliyə koon vəziri Əbdulrıza Rəhmani Fəzli zinə şanqo de ironi telerədyo 1 minnə kanali votımonədə ironi prezidentəti iyən şəhr və dionədə islamiyə şura uzvon vıjnımonədə əmniyyət iyən səlomətəti hifz kardeku işarəş karde və ıştə sıxanon dəvomədə əlavəş karde sədo doeyu hozzı kardə bə koğəz təğribən 14 curə rəmz(sir) hestışe ta heçkəs xətoə ko əncum doe icazəş nıbo.
Rəhmani Fəzli votışe:bə əsosə ğanonon nəzorət əkə şura tojə metodi əsosi sədo doəkəson de elektıronikiyə roon zıniyə bəben və əlavəş karde 80 milyon ironıji məlumat milliyə nomrə əsosədə və əqər ə nomrə səhih nıbo şəxs sədo doeyu icazə bə dast nibəvay.
ironi məmləkəti daxiliyə koon vəziri votışe:ironi mıxtəlif vıronədə sədo doeyu 64 həzo qılə şubə heste və ıştə sıxanon dəvomədə əlavəş karde ımsornə sori vıjnımonədə 56 milyon 500 həzo nəfər sədo doeyu şərayetışon heste.
