Laricani votışe: İroni milləti sədo doe, deşmənon vədə qıləy sipəre.
İroni islamiyə şura məclesi sədr votışe: omə cumə ruji səçınədə milləti əzəmətinə huzur deşmənon təhdidon vədə bənə qıləy zumandə mudafiə əkə sipəre.
Bə İrib raporti əsos Əli Laricani Ğomədə bo sədo doero bə ğotion jentonədə milləti əzəmətinə huzur işorəş kardə və votışe: jıqonə əzəmətinə iştirok karde bəzne çı İroni milləti zumandə iradə və huzuri nışonə bıbu ijən mudafiə sahədə əmniyyətiyə şuaron əməli karde ijən ərazi təmamiyyəti oqəte xoto bə deşmənon çəşnavi bıdə.
Laricani ısətnə məntəğədə ijən denyoədə vəziyəti vey həssas hisobış kardə və əlovəş kardə: səçınədə çı İroni milləti əzəmətinə huzur karde bəzne iğtisodədə sərmoyəon cəzb karde, ko icod əkə ijən mili istihsol zərfiyəti ziyod karde boyis bıbu.
İronədə 12 minə dıvrə prezidentəti səçın bərobər de cumə(12 Aprili) həmmə vırəonədə bərpo bəbe.