Niyuzlənd və İnqiltərədə bo İroni şəhrvandon sədo doero imkon heste.
-
Xaricədə bo unnversiti İronıjə tələbəonro həm sədo doe fırsəti mohəyya bıə.
Niyuzlənd və İnqiltərədə İron İslam Respublika səfiron elanışon kardə ki bo İronıjonro prezidentəti səçınədə sədo doe zəminəon hozzo bıə.
İnqiltərədə İroni səfir Həmid Bəidinijad elanış kardə ki səçıni rujədə 12 qılə ğoti İnqiltərədə bo sədoon cəm kardero mohəyya bıə ki 6 qılə çəvonku London və 6 qılə həm Mənçister, Birmənqam, Niyukasel, Qılasko, Lidz və Kardifədə noə bəbe.
Əv təsdiğış kardə ki de İnqiltərə rəsmi şəxson həm bo əmn və salimə səçıni dəvoniyero həmohənqion əncom bıə.
Niyuzləndədə həm İroni səfir Cəlaleddin Nəmini Miyanci bə İrna aqentiyəti votışe: Niyuzləndədə bo İronıjon sədoonro 4 qılə şəhr yəni Aklənd, Kraisit Çırç, Velinqton və Denidenədə ğotion hozzo bıən.
Əv votışe: de diğğət bə ım mıvzo ki Niyuzləndədə cumə tətil ni karde bəbe bo sədoon seyro ujnən 2 saət sədo doe mıddət dıroz bıbu.
Nəmini Miyanci bo unnversiti İronıjə tələbəonro həm sədo doe fırsəti mohəyya beyku xəbəş do.
Niyuzləndədə İroni səfir elanış kardə ki sədo doe de İronıjon huzur ijən de pasporti vasitə imkon bəbe.
İronədə prezidentəti 12 minə dıvrə səçın omə cumə ruj(Mayə manqi 19) İronədə bərpo bəbe.
