Pars Today

İroni Yolə Rəhbər təkidışon kardə: İroni milləti huzur muxtəlifə sahəonədə mıəyyən əkə və milli əmniyyəti təmin əkə heste ijən çəy muhimmə nımunə-simvol səçınədə nımoyeş doə bıdə.

İroni Yolə Rəhbər ımruj de İroni muxtəlifə cəmaəton mıloğat karde cərəyonədə təsdiğışon kardə: İron İslam Respublika soron və əsronədə de səçınon bərpo karde həğiğətən tojə enerjion xıvand bıdə, çı dınyo çəşon vədə ujnən zuhur bəkarde, ıştəni i və vahid nışo doydə və sabit bəkay ki həğiğətn səçıni dəvoniye ruj qıləy şoə milliyə mərasimi dəvoniye ruje.

İroni Yolə Rəhbər bə məntəğə kişvəron dılədə no əmnion və mocodə vəziyət işorəşon kardə və votışone: jıqonə noəmnə vəziyətədə İron de oromtəti iyən əmniyyət səçıni dəvoniye fikədəy.

Həzrəte Ayətullah Xamenei ım əmniyyət və stabilə vəziyəti vey erjin hisobışon kardə və təkidışon kardə ki: qıləy 80 milyoniyə kişvərədə səçın bərpo bıdə, cəmaət de şoyvonti ıştənış hozzo kardedə əmmo oromtəti və əmniyyət kamilən his bıdə, ım neməti ğədri bəbe bıznəmon.