İroni kəşfiyyat vəzir:Ərəbıston mali cəhətdə bə terroriston komək kardə.Sistan və Bəluçistan ostanədə 7 qılə terroristi dəstqiri və həlokət.

İron İslam Respublika kəşfiyyat vəzir zinə şanqo ironi cənub şərğ Sistan və Bəloçestan ostani Çabəhar şəhrədə qıləy terroristiyə qrupi arəku bardeku xəbəş do.

Bə İRNA xəbon əsosi seyd Məhmud Ələvi votışe:imom Zəman(ə) nomışon məlom nıbə əskəron əməliyatdə ki çabəharədə qıləy terroristiyə qrupi arəku bardeyu əncum be 2 qılə terrorist bə həlokət rəsə və 5 nəfər həm dəstqir bin.

ironi kəşfiyyat vəzir həmçinin əlavəş karde ım əməliyatdə imom Zəman(ə) nomışon məlom nıbə əskəronku qıleni bə şəhodət rəsedə.

Ələvi votışe: 4 şanbə ruji ironi ğərb Kırdıston ostanədə həm qıləy terroristiyə qrup arəku şəy.

İron İslam Respublika kəşfiyyat vəziri işarəş karde Səudiyyə Ərəbıston terroristiyə qrupon maliyə baxşi təmin kardedə və əlavəş karde hamsuyə məmləkətonku xəylion bənə muzdor bə ko peqətə bən ta ironədə terroristiyə əməliyat təşkil bıdən.

Ələvi votışe: çabəharədə 5 qılə dəstqir bə terroristonku 2 nəfər hamsuyə məmləkəton şəhrvandonku hestin.