Caberiye Ənsari de iraği xarici koon vəziri vindımo.
Ərəbi və afrikaiyə məmləkəton koonədə ironi xarici koon vəziri muavin və iraği xariciyə koon vəzir İbrahim Cəfəri zinə şanqo Bəğdad şəhrədə məntəğə oxonə şərayeton məxsusən siyasi və ixtisadiyə baxşonədə 2 qılə məmləkəti əlağon iyən de terarizm mubarizə barde məsələşon təhlil karde.
Bə telerədyo aqentəti xəbon əsosi Huseyn Caberi Ənsari zinə əsrə vaxti iraği rəsmi şəxsonədə vindımon və muzakirə kardeyu bə iraği paytəxt Bəğdad daxil be və ıştə 1 minnə vindımonədə de iraği rəsmi şəxson de İbrahim Əlcəfəri vindımon və votımonış dəvoni.
iraği xarici koon vəzir ım vindımonədə İron İslam Respublikaş iraği millət və devləti dustış zınə və mıxtəlif baxşonədə de terarizm mubarizə bardeədə ironi bəğdadiku be əmunə tərəfdarətion xoto təşəkkurış karde.
İbrahim Əlcəfəri həmçinin 2 qılə məmləkəti əlağon inkişafış tələb karde.
Huseyn Caberi Ənsari həm 2 qılə devləti miyonədə bıə əlağon zuman karde barədə işarəş karde və həmmə cəhətonədə irağiku tərəfdarəti kardeyu ironi hozzı mandeku xəbəş do.
