Sərdar sərləşqər Suleymani:İron məntəğə əmniyyəti mənşəy.
İslami inğilabi sepahe pasdaranı Ğuds ğıvvə fərmondə votışe:İron heç vaxti bıhron icod əkə və təkfirı bə əməl əvə bə ni və ımruj məntəğə əmniyyəti mənşəy.
Bə telerədyo aqentəti xəbon əsosi sərdar sərləşqər Ğasım Suleymani ımruj tehronədə məçitı beynəlxalğə ruji 15 minnə iclosədə votışe:Səudiyyə Ərəbıston terroristiyə qrupon mincumlə Ceyşul islam Ceyşulhor və coqlə terroristiyə qruponış bə ironi zid icodış kardə əmmo ısət İron Suriyə əmniyyəti mənşəy.
sərdar sərləşkər Suleymani votışe: İron ne de hərbiyə ğıvvə bəlkə de məzhəb məntəğədə səudion məzhəbiyə canqi navış qəte və ıştə sıxanon dəvomədə əlavəş karde İron İslam Respublika məntəğədə qıləy həğiğiyə ğıvvəku ki heç qıləy ziyan bəy ərən ni bəhrə bardedəy.
sərdar Suleymani suriyədə de İŞİD terroristiyə qrupi dasti bə Muhsen Hucəci şəhodəti işarəş karde və ım şəhidış məçitdə tərbiyət bə şəxsiyyəti nəticəş zınə və votışe: ironi problem de ğərbi dınyo məçiti barədə mincumlə Ələğsa məçit və məsciduləğsa piyədəy.
sərdar sərləşkər Suleymani votışe: məçit islam dınyo dini və siyasi və ictimaiyyəti həyate və əlavəş karde məzhəbiyə fitnə və xariciyə hucumon ımruj bə İron və islam dınyo zid 2 qılə ciddiyə təhdid bə hisob omedə.
