Pars Today

İroni məclesi nımoyəndəon zinə 17 qılə təklif doə bıə vəzironku bə 16 nəfər sədoşon do ijən çəvon səlohiyəti bənə vəzir təsdiğ kardışone.

De tərtibi ısət ro iyən şəhr soxte vəzarətxanədə Əbbas Axondi, varzış və cıvonon vəzarətxanədə Məsud Soltanifər, kişvər vəzarətxanədə Əbdul Rıza Rəhmani Fəzli, xarıci vəzarətxanədə Muhəmməd Cəvad Zərif, nat vəzarətxanədə Bijən Zənqəne, prokororəti vəzarətxanədə Əlireza Avaei, iğtisod vəzarətxanədə Məsud Kərbasiyan, mədəniyət və islamiyə irşad vəzarətxanədə Seyed Əbbas Salehi ijən sənaye, mədən və ticarət vəzarətxanədə Muhəmməd Şəriətmədari çəvon səlohiyət bənə vəzir təsdiğ bıən.

Həmçınin İroni islamiyə məclesi nımoyəndəon bo kəşfiyat vəzarətxanə, Seyed Məhmod Ələvi, bo ko iyən iştimaiyə rifoh vəzarətxanə Əli Rəbi və silohinə ğıvvon mudafiə vəzarətxanə  Qeneral Mayor Əmir Hatəmişon bənə vəzir vıjnişon.

Zinə ruji iclosədə ditəsərrufat vəzarətxanədə ağaye Huccəti, informasiya və rabitə vəzarətxanədə Muhəmməd Cəvad Azəri Cəhromi, dəvu-damon və səhiyə vəzarətxanədə Seyed Həsən Ğazizadə Haşemi və təhsil vəzarətxanədə həm ağaye Muhəmməd Bəthayi səlohiyət bənə vəzir təsdiğ bıə.

Ğeyd kəmon ki İroni deptaton enerji vəzarətxanədə çı Həbibullah Bitərəfi səlohiyəti təsdiğ nıkardışone.

Hələ İroni prezident, çı elmon və təhğiğ vəzarətxanə vəzir bə məcles təklif doəş ni.

Enerji və elmon vəzarətxanəon detosə 3 manqi de mıvəğğətə rəis idorə bıdəş

De tərtib ağaye Ruhani tərəfiku, Səttar Məhmodi və Seyed Ziya Haşemi bo ım 2 qılə vəzarətxanəyo bənə mıvəğğətə rəis mıəyyən kardə.