Pars Today

İroni prezident votışe: İ bıə Milləton Təşkilati har sornə umumiyə iclos karde bəzne İroni milləti sədoon elan karde kənoədə çı ğərb və Amerkə umumiyə iştimaiyəti ruşin iyən ehtımoliyə şək və şubhəon məhv bıkə.

Ağaye Ruhani ımruj bo İ bıə Milləton Təşkilati umumiyə icma iclosədə iştirok kardero ıştə səfəri bənav airportədə bə jurnaliston votışe: i bıə milləton təşkilati umumiyə icmaədə nıtğ karde kənoədə de Amerkə mediyaon mudiron, Amerkə elmi və təhğiğiyə mərkəzon yolon, Amerkədə bıə islamiyə rəhbəron və İronıjon mıloğat və vindemon karde cərəyonədə İroni nəzər və siyasəton elan bəbe.

Ruhani ijən votışe: ım səfərədə de Belçikə, İsovıç, Fransə, İnqeltera, Yaponiya, Pakiston, Cənubi Afrikə iyən Boliyoya yolə rəsmi şəxson muzakirə bəkamon iyən 2 tərəfiyə həmkarion, məntəğə bıhranon, ətomiyə təvafuğ iyən Myanma məzlumə mısılmonon barədə sohbət karde çəmə bərnoməonədə ğeyd bıə.

Əv təsdiğış kardə: ım dıvrə iclosi kənoədə Niyoyorkədə İslami Həmkari Liqa məsləhətiyə iclos həm Myanma mısılmonon barədə bərpo bəbe həmçınin ğərore həvost iyən ekoloqiya barədə həm qıləy iclosədə iştirok bıkəmon.

Həsən Ruhani ətomiyə təvafuği çı məntəğə və dınyo stabiləti iyən inkişofi qıləy amil zınəş be və təsdiğış kardə: İroni ətomiyə təvafuği nıpiyə kəson vey kamin.

İroni prezident bə İroni əleyh bıə Amerkə mənfiyə təbliğon işorəş kardə ijən votışe: bə islam və İroni əleyh bevəcə təbliğon de həğiğət həmohənq ni və i bıə milləton təşkilati ım iclosədə çəmə vindemon elam bəbe.

İroni prezident təsdiğış kardə ki İron de dınyo vey çokə hevujə rabitə və həmkarion pidə və əlovəş kardə: nızə şərği bıhran de hərbiyə roon həl nibəbe və ım bohranon həl əkəro siyasiyə votımonin ijən de terrorizm mubarizə barde həm fəğət de həmmə kişvəron həmkarion əməli bəbe.

İroni prezident çı İ bıə Milləton Təşkilati 72 minə umumiyə icma iclosədə iştirok kardeo ımruj bə Niyoyork səfərış kardə.