Aşuraye Huseyni və dınyo şiəyon 3 minnə imomi şəhodəti sorqardışi xoto səbəsəloməti.
Imruj 1 şanbə mehr manqi 9 bərobər de hicri ğəməri 1439 nə sori məhərrəmə manqi 10 aşuraye Huseyni ruje.
Məhərrəmə manqi 10 nə ruj şəhidon salar şiəyon 3 minnə imom Həzrət İmom Huseyn(ə) şəhodəti sorqrdışe ki hicri ğəməri 61 minnə sori məhərrəmə manqi 10 nə ruji kərbəloədə və 57 sorətiədə şəhid be.
Həzrət İmom Huseyn(ə) kərbəlo hadisə bəyonədə iyən Məkkə və Kərbəlo roədə və desbə şəhodəti vaxt oşkoə holətədə işarəş karde çıman hərəkəti məğsəd bə islami zid yəzidı hukuməti rəsvo karde və əmr be mərof və nəhy əz munkər yəni bə çokə koon tərəf cəmaəti hidayət və bevəcə koonku əvoni doəro karde iyən zılm və sitəmqəri vədə mande xoto bə və kərimə ğıroniku tərəfdarəti karde iyən Həzrət Muhəmməd(s) əslımandə islami bəji oqəteku kəno coqlə hədəfım bə ni.
ım qıləy məmoriyət be ki mutəalə Xıdo bə Həzrət İmom Huseyn(ə) doəş be və ım məmoriyəti icra kardeyu Aşura zuhrə vaxti dıştə vəfadarə yaron zuhrə nımoji vote bəpeştə yəzidion dastədə şəhid bin.
islamiyə ironi dindarə millət məhərrəmə manqi əyyamədə məxsusən Tasua və Aşuraye Huseyni şəv və rujonədə huseyniyəon və məçitonədə əzadarəti kardən.
nohə hande sinə və zəncir je iyən Həzrət İmom Huseyn(ə) və Həzrət Əbəlfəzl Əbbas(ə) şəxsiyyət və şəıniku qəp je Ğəməre Bəni Haşem və şəhidon sərvər və salar Həzrət İmom Huseyn(ə) şəhodəti sorqardışədə islamiyə ironi dindarə milləti muhimmə bərnamonkuy.
İron İslam Respublika de Həzrət İmom Huseyn(ə) şəhodəti sorqardışi mınosibəti bə həmmə mıslmonon məxsusən əzadarə tolışon iyən dınyoədə coqlə ozodəti tələb kardəkəson səbəsəloməti dodə.
