Pars Today

İroni Yolə Rəhbər təkidışon kardə Amerkə mığobilədə bə kəno mande əvoni beədəb iyən ziyod tələb bəkay çən yeqanə ro mığobilə və mığoviməte.

İroni Yolə Rəhbər Həzrəte Ayətullah Xamenei zinə İron çand həzo şaqirdon və tələbəon cəmədə ısətnə cıvonə nəsli çı İroni iştimaiyəti bə na hərəkətədə hisobışon kardə və votışe: ım çokə stedad iyən çokə dərki xıvand bıə nəsl yəğin İroni əzizə kişvəri çı həmmə maneon və saxtionku dəvardonedə ijən bə ləyoğətinə vırə bərosne Ki əlbətə noraniyə hədəfi əməli kardero bəbe çı İroni vey əsli iyən xəbisə deşmən yəni Amerkə barde çımiku vey bıznəmon.

Həzrəte Ayətullah Xamenei təkid kardışone: həğiğətən ki Amerkə qıləy xəbis və əsliyə deşməne və ım nı qıləy İrağçiti vindemoniku bəlkəm təcrubə, həğiğəton vinde iyən məsələon barde dırıstə dərkiku ruşin bıdə.

Ə Həzrət bə Amerkə prezidenti tojə sıxənon çı İroni milləti qıləy terroristə millət hisob karde işorəşon kardə və votışone: jıqonə əbləhonə sıxən nışo doyə ki Amerkə nı ın ki de İroni Rəhbər və dıvlət deşmənti kardedə bəlkəm de qıləy mığovimət əkə milləti ki çı Amerkə deşmənətion və yolə şəxtion vədə mığovimətış kardə deşməne.

İroni Yolə Rəhbər bə Amerkə qıləy rəsmi şəxson çand sor çımiku bə nav sıxənone ki votəş be bəbe çı İroni milləti rişə məhv kəmon işərəş kardə və əlovəşon ka: əvon ım həğiğəti dərk kardeku ocizin ki bənə İron qıləy qəncinə tarix və mədəniyəti xıvand bıə milləti rişə bırniye imkonış ni.

İroni lider Amerkə jıqo nığlə deşmənti karde siyasətonış çı Amerkə hisob-kitob əkə çəşon nıvinde iyən çandə tikroriyə səhvon əncom doe amil zınəşon bən ijən əlovəşon kardə: Amerkə ijən bə həmonə be foydə planon dəvom dodə boçi ki deşmənti karde iyən yolə şəxtion dəvom doe hejo və əvoni çı dırıstə həğiğəti dərk kardeku məhrum bəkay.

Həzrəte Ayətullah Xamenei ijən bə Amerkə dıvləti deşməntion dəvom peydo kardə işorəşon kardən və votışone: Amerkə ısət həm çı ətomiyə təvafuği nəticəon xərob kardero vey cəhd kardedə.

İroni lider ijən bə şaqirdon və tələbəon ciddiyə tosiyəşon kardə ki əsliyə deşmən yəni Amerkəku ğafil məbon boçi ki ım çı İroni xoşbəxtə tale roədə hərəkət bo karde əsliyə şərte.