Ayətullah Əraki: Əhle Beyt(ə)-i məhəbbət Vəhabiyə qrupon icod bey vədə yolə mane.
-
Rəbiul-Əvələ manqi 12 detosə 17 minə ruj vəhdət nomo bıə haftə vıjinə bıə.
İslamiyə məzhəbon miyono təğrib beynəl xalğiyə icma rəis təsdiğış kardə: Əhle Beyt(ə)-i məhəbbəti sayədə vəhdət, islam dınyoədə Sələfi-Təkfiriyə qrupon icod bey vədə vey çokə roe.
Ayətullah Muhsen Əraki zinə şəv Ğomədə Xanım Həzrəte Məsumə(s) hərəmi qıləy mərasimonədə elanış kardə ki dınyoədə 90 faiz mısılmonon ıştənışon çı Əhle Beyt(ə)-i aşiğ zınəşone ijən votışe: Əhle Beyt(ə)-i barədə jıqo məhəbət islam dınyoədə vey yolə zərfiyəte.
İslamiyə məzhəbon miyono təğrib beynəl xalğiyə icma rəis bə ım nuktə işorəş kardə ki mısılmonon bəbe ixtilafon əvəzi Xıdo Rəsul(s)-i qiramiyə kinə Xanım Fatimə Zəhra(s) məhəbəti jentonədə de yande vəhdətışon bıbu ijən təsdiğ kardə: əqə ım məhəbətiku həyəcon icod bıbu ijən bənə DAEŞ mıvcud bıə cərəyan bino nibəbe.
Ğeyd kəmon ki zinə şəv qıləy ədəbiyə iclos Ğomədə de vəhdət haftə bino bey həmzəman ijən de İron, Urdu, Fransə, Kırdi və Azəri zıvonə şairon huzuri bərpo be.
Bə Sınnion bovəon əsos zinə yəni Rəbiul-Əvələ manqi 12 çı islam dini yolə peyğombəri milad ruji ğeyd bıə be əmmo şiə rəvayətonədə ım mınosibət bo Rəbiul-Əvəli 17 minə ruji ğeyd bıəş
De İroni nizomi təsis əkə mərhum İmom Xomeyni(r) tədbiri bərobər ijən sınni və şiə mısılmonon miyono vəhdəti çımiku vey ziyod kardero Rəbiul-Əvələ manqi 12 detosə 17 minə ruj vəhdət nomo bıə haftə vıjinə bıə.
