Qiloni cımə imomon siyosəton şurə rəis: nizomi çıl sornə bərəkəton bəpe təbyin bıbu

Qiloni cımə İmom siyosəton şurə rəis votışe: İslomiyə İnğilobi səbarzəti 40 minə surəqardış bo kişvəriyo həssas və məxsusə dıvrane və bəpe İnğilobi nəticon və əsəron ostani cımə nımoji adət və ənənəon bo millətiyo təbyin bıbu.

Bə İrna jurnalisti raporti əsos Huccətull İslam Əli İsalmnejad Ostoro cımə nımoji mərkəzi iclosdə ki, ın şəhristani cımə İmomi dəftərxonədə bərpo be əlovəş ka:

Bə ilahiyə təğvo rioyət karde xəyrə koon əncom doe və bə məsul şəxsun və milləti vəhdət təkid karde cımə nımoji siyasi və ibodiyə ənənəon nəticonkuy.

Əv bəyonış ka cımə nımoj Həzrət İmam Xomeyni(r) yadiqrionkuy və ilahi dərqoh nez bıeyo erjinə fırsəte və çəy yolə nəticə bə ictimayyəti təğvo ruh qlniyey.

Əv dəvamış do bə İslomiyə İnğilobi bərəkəti əsos cımə nımoji təşkil be və bəpe çəyku mohafizə bıkəmon ta deşmın mısılmonon miyono ixtilof icod kardeyo bə ıştə bevəcə hədəfon nırəso.

İslominejad votışe: cımə nımoj bə məxsusə odəmon aid ni və bpe cımə nımoji mıxtəlif baxşon zomand kardeyo bəsic və təlim və perosniye zərfiyətonku istifadə bıbo.