Ostoro, İron iyən Az.R miyono varzeşi mısobiğəon bərpo kardey zərfiyyətış heste
Ostoro fərmondor votışe: ın sərhədiyə şəhristan İron iyən Az.R miyono varzeşiyə mısobığəon bərpo karde zərfiyətış heste və ın hadisə dı qılə kişvəri diplomatiyə əloğon zumand be bois bəbe
Bə İrna xəbəriyə mərkəzi raporti əsos Yunes Rənckeş Ostoro varzeş şurə iclosdə ki, ın şəhri fəmondoriədə bərpo be əlovəş ka:
Tabə ısət Ostoroədə Az.R iyən İroni mıştərək varzeşiyə mısobığəon karatə baxşdə bərpo bəy və omidımon heste de mısobığəon heyəti həmkarəti co qılə baxşon həm bərpo bıbon.
Əv əlovəş ka turizmi inkişafi qıləy roonku bə varzeşiyə turizmi diğət doey və Beynəlxəlğ, məntəğei və milliyə hadisəon bərpo karde Ostoro bə varzeşiyə turizmiyə hədəf təbdil bəkay.
Əv bəyonış ka Ostorodə turizmi və varzeşiyə həmkarəti zərori və bə varzeşiyə turizmi diğət doe bə ın şəhrestani ixtısadi inkişaf bois bəbe.
Rənckeş əlovəş ka professional hənəkonku himoyə karde və ictimaiyə şoyvonəti icod kardeyo və ictimayəti inkişaf doeyo həmə odəmon varzeş karde Ostoro fərmondori İ minə koonkuy və ın şəhristani vəhdət nomo bıə varzişqo soni çimən, sinov hardə vırə komil be holədəy.
Ostoro cıvonon varzeşiyə idorə rəis Vəhid Xasipur həm ın iclosədə votışe:
Fəcri da ruji mınosibəti xoto təğribən130 qılə varzeşi və fərhənqiyə bərnomə proqnoz bəy. və İron iyən Az.R beynəlxəlğ karatə mısobığəon və xeyzonon şemon mencumlə ın bərnoməonkuy.
