Ostoroədə tojə şəhri icod kardey plan təhğiğ bedə

Ostoro fərmondor votışe: bəzi dion bə şəhr əlovə be tələb bəyonbə və ım şəhristandə tojə şəhri icod karde təhğiğ be holədəy və mer pılanon bəpe muvcud bə şərayeti nəzədə qəte əsos icra bıbo

Bə İrna xəbəon əsos Yunes Rənckeş de Ostoro və Ləvəndəvili meron, və Qilon ostani ostandari eksperton  iclosədə votışe:

çəmə şəhron boçimi xoto inki, dıyo, sahil və ğolə məhdodə ğərorışon qətə de zəmini kam bıe dimbədimin və muvcud bıə zəminonku çok bəhrə peqəteyo tojə şəhri icod karde plan zərori.

Əv bəyonış ka ğədimiyə vıran tojə karde, sərmayə noe və ko kardeyo tojə fırsəton icod karde və şəriyə baxşi əvəz bəkay və bo Ostoro inkişafiyo tojə şəhri icod kardey plıan bəpe icra bıbo.

Əv votışe: osonə ro, liman və qomıok Ostoro şəhristani zərfiyətonkuy və bo kali dionyo dehyari icozəon tələb bəy ki kişvəri vəzorətxonə və ostandari cəvobi intizarədəmon.