268 milyon ğeyri - natə əmtəə Ostoro qemrukiku ixrac bıə

Ostoro qemruki mudir votışe: ım sor 568 həzo ton ğeyri - natə əmtəə de 268 milyon dollar erj Ostoro qemrukiku bı kişvəriku xaric ixrac bəy

Ostoroku bə Təsnim xəbəriyə mərkəzi raporti əsos Rəsul Umidi ın şəhristani jurnaliston cəmədə bə Ostoro qemruki ımsornə sori 9 manqi estetatistikə işarəş ka və votışe:

ın mıddətdə mıxtəlif ditəsərrufati, kimiyavi və mədən və filiz məhsulon bə ətrofdəbə kişvəron sadir be.

Ostoro  qemruki mudir votışe: ın məhsulon bə Rusiyə, Az.R və Qurcestan kişvəron ixrac bəy.

Əv bəyonış ka inki, ğeyri - natə əmtəə ımsornə sori 9 mənqədə de dəvardə sori mıddəti mığayesədə vəzni nəzəku 136 faiz və erji nəzəku 109 faiz ve bəy və əlovəş ka:

ın mıddətdə 5 həzo 389 ton əmtəə de 21 milyon dollar erj çəmədaniyə ticorəti ğolibədə Ostoro qemrukiku bə kişvəriku xaric ixrac bəy.