Kişvəri marzon komitə uzvon bə Ostoro marzi osə ğandey
Jan 12, 2019 13:53 Asia/Tehran
Kişvəri və ostani cəmi məsul şəxson komitə uzvon ğolibədə Ostoro ixtisodi zərfiyətonku vindemonışon ka
Bə İron Ostoro fərmandari ictimayə əlağon raport hikayət kardə ki, kişvəri vəzorətxonə, Qiloni ostandari əmniyətiyə mudiron və məsuloni xareci koon vəzorətxonə purton təşkilotiku ın vindemonədə huzurışon hest bı.
Ostoro fərmondor ın vindemonədə de Az.R ixtisadi və siyasi əlağonədə bə ın sərhədiyə şəhristani xususiyəton işarəş ka.
Yunies Rənckeş votışe Ostorodə zəmini, dıyoi, və reiliyə sərhədon royku çokə ticoriyə fəaliyəton əncom de holədəy və ımsornə soriku ta bə ısət 3 həzo vağon məhsul ın şəhristani osonə royku nəğliyat bəy.