Ostoroədə bə 2000 nezi Ğıroni Hafizon perosniyə bıə
Ostoroədə bə 2000 nezi Ğıroni Hafizon perosniyə bıə
Bə İrna xəbəriyə mərkəzi raporti əsos Cəmşid Məhdəvi Ostoro İrşad idorədə Kərimə Ğıroni plani həmohənqəti iclosdə bəyonış ka:
In odəmon 10, 20, 30 cuzon və Kərimə Ğıroni həmmə hifzışon kardə və ımsor Ğıroni hifz karde klason de 420 nəfər iştrak kardə kəs 10 manq mıddətiyo məçiton, məktəbon və Ostoro İmomzodəon hərəmədə bərpo be.
Ostoro irşad və fərhənqiyə idarə rəis Şapur Təşrini həm votışe:
In plani imtıvon bə İroni təğvimi əsos İsfəndə mənqi 9 minə ruj Xatəmullənbiyə nomo bıə məktəbədə və 11 ta 16 minə ruj İmomzodəon astandə bərpo bəbe.
Əv əlovəş ka ın plan Yolə Rəhbəri sıxanon bə peştə inki 10 ta 15 milyon nəfər Kərimə Ğıroni hifz əkə bo 6 minə soriyo Ostorodə bərpo bəbe və vəhy kəlomi hafizon ve karde domo qətə bəbe.
Ostoro şəhristan de 91 həzo cəmiyət Qilon ostani ğərbdəy və 17 həzo nəfər şoqırd çəy məktəbonədə təhsil kardən.
