Ostoro qomrukiku 293 milyon həcmədə ğeyri-natə məhsulon ixrac bıə
Jan 26, 2019 08:16 Asia/Tehran
Ostoro qomruki mudir votışe: 618 həzo ton ğeyri-natə məhsulon de 293 milyon dollar ımsornə İminə da manqədə Ostoro qomrukiku bə kişvəriku xaric ixracat bəy
Ostoroku bə Təsnim xəbəriyə mərkəzi raporti əsos Rəsul Omidi ın şəhristani jurnaliston cəmədə bə Ostoro qomruki ımsornə 10 manqi statistika işarəş ka və votışe:
In mıddətdə mıxtəlif məhsulon çı kişvəriku xaric ixracat bəy.
Ostoro qomruki mudir votışe: ın qeyri-natə məhsulon bə Rusiyə, Az.R, Qurcestan kişvəron ixracat bəy.
Əv bəyonış ka inki qeyri-natə məhsulon ımsornə 10 manqədə nisbət bə dəvardə sor sanqinəti nəzəko 114 faiz və erji nəzəku 93 faiz ve be. əv əlovəş ka ın mıddətdə 6 həzo 430 ton məhsul de 27 milyon dollar çəmədaniyə ticorəti ğolibədə Ostoro qomrukiku bə xaric ixrac bıə.
