İnğılobi 40 sornəti çı Amerkə rısvoə məğlubiyyəti nımoyişqoye

Sepah qıvvon dəmon və səhiyyə muavin: İnğılobi 40 sornəti çı Amerkə rısvoə məğlubiyyəti nımoyişqoye

İslomiyə İnğılobi Sepah qıvvon dəmon və səhiyyə muavinİslomiyə inğılobi 40 sorətiş İrondə Amerkə rısvoə məğlubiyyəti nımoyişqoş zıni və votışe:

Dınyo emriyalizmi tojə hilə kişvəri dı ğotbi kardey və ın roədə bəpe ilitaon və ictimayəti odəmon hoşin bıbon ta dışmenon hilə miyonəku bışo.

Ostoroku bə Fars Aqentəti raporti əsos Qeneral Əhməd əbdullahi de 166 qılə şəhidi xotirəon bəyod dənoe mərosimədə Ostoro şəhristani musəladə kişvəri səbarzət və əzəmətış şəhidon pokə xoni nəticəş zıni və votışe: İnğılobiyə cıvunun de ıştə şəhid bıe islomiyə İroni zərinə torixiyə sənədışon imza ka.

Əv İslomiyə İnğılobi səbarzətiş dınyo empriyalizmi vədə muhimə səbarzətiş zıni və votışe:

İslomiyə İnğılobi təsis əkə de tağoti rejimi məğlob karde nışonış do ki, bə empriyalizm ğələbə karde fəğət bə İslomiyə dini dəvət karde royku imkonış heste.