Ostoro iğtisodi məxsus məntəğə qomruki fəaliyət.
Çı Ostoro sərhəd şəhri iğtisodi məxsus məntəğə qomruki fəaliyət rəsmən bino be.
Bə İRİB raporti əsos, islami şura məclisədə bıə Ostoro şəhri nəmoyəndə ın şəhri iğtisodi məxsus məntəğə qomruki fəaliyəti bino bey mərosimədə votışe: Ostoro iğtisodi məxsus məntəğə qomruk, bə iğtisodi vabəstə bıə co fəaliyəton kənoədə rəsmən ıştə koş bino karde.
Ğulamr Rıza Mərhəba əlovəş karde: ın şəhri millət osonə ro, port, qomruk və co iğtisadi infrastrukturi icod bey intizorədə həm bımandon.
Əv votışe: de ın məntəğə fəaliyəti bino bey bo 20 nəfəriro sərost iyən bo 1000 nəfəriro ğəyri mıstəğim ko icod bəbe.
Həminə mərosimədə çı Ostoro sərhəd şəhri qomruk idorə yol Kərim Rəsuli həm votışe: daxıli və xarıci investoron cəzb karde i minnə ko və çı Ostoro iğtisodi məxsus məntəğə muhimmə hədəfonku bə hisob omeydə.
