Çı İroni milli kamanda Qilonıjə leqioner Asiya haftə vey çokə hənəkəkəyon namzəd be.
Asiya futbol konfedrasiya İroni milli kamanda Qilonıjə leqioner Əlirıza Cəhanbəxşi çı Asiya haftə 10 qılə vey çokə hənəkəkə oxonə namzədon cəmədə ğərorış do.
Bə İRİB raporti əsos, Asiya futbol konfedrasiya sayt nıvıştışe: İroni milli kamanda Qilonıjə leqioner Əlirıza Cəhanbəxş ki Holləndiya Faynord klubədə hənək kardedə, Suriyə və İraği vədə bıə İroni milli kamanda dəvardə 2 qılə mısobiğəonədə 2 qılə qolış jə iyən 11 qılə mıvəffəğə driblış be.
Həminə raporti dəvomədə ğeyd bıə: ın futbolist ki Faynordi əsli tərkibədə ıştə vırəş peydo karde ısət İroni milli kamanda kapitan bıə iyən ıştə nakonə muvəffəğiyəton yod və xatirəş bəji karde, əv Suriyə vədə qol jəş be iyən İraği vədə həm mısobiğə i minnə dəğiğəonədə qıləy həssosə qolış jə.
Əlirıza Cəhanbəxş, çı Rudbari Cirəndə məntəğədə moəku bıə iyən çı Qiloni tatonku bə hisob omeydə.
