Masal Tolışə şəhrədə Fəcri 10rujon məxsusə bərnamon bino bıə
De fəcri 10 rujon bino bey həmzəman Masal tolışə şəhrədə həm məxsus bərnamon bino bıə.
Bə İroni Tolışi Rədio raporti əsos, de fəcri 10 rujon bino bey həmzəman zinə çı Masal iyən Şanderməni şəhidon ğəbıston de vılə dastə dərostə bıə.
De şəhidon ailəon iyən imom cımə vindemon kardey, Sənqbəst diədə şəhidon yodi yol qətey mərosim, ijən hırdənon şikil və rəssom məxsusə nımoyeşqah əcumlə co bərnamonku be.
Hecri Şəmsi 1357 nə sori Bəhmənəmanqi 12ədə bərobər de 1979 nə sori Fevrali 1 İroni islamiyə inğilabi təsis əkə Mərhum İmom Xomeyni 15 sor vətəniku ixroc bey bəpeştə de İroni milləti əzəmətinə istiğbal bə İron varid bıə.
10 ruj bəpeştə yəni Bəhmənə manqi 22ədə (Fevrali 11) İroni əzəmətinə inğilab bə səbarzəti rəse.
Bə həminə mınosibəti xoto ımrujnə rujiku detosə Bəhmənə manqi 22 yəni 10 ruji mıddətdə İronədə vey məxsusə bərnoməon de Fəcr darujiyə onvani bərpo bəbe.
