Apelyasiya məhkəmə vəkili şikotış həxin zınə
Xeyli ictimoi-siyosi fəalon huğuğon mıdafiə kardə vəkil Fariz Namazlı Devlət Əmniyyətə Xıdməti (DTX) koəkon tərəfo qəte, əçe telefoni dasto se, bın onemon bardə be iyən tosə şəvi nimə əyo damə kardə be əloğədar bə məhkəmə ovardoən, əçe şikot bə icroot peğətə bə ni.
Apelyasiya məhkəmə vəkili şikotış həxin zınəXeyli ictimoi-siyosi fəalon huğuğon mıdafiə kardə vəkil Fariz Namazlı Devlət Əmniyyətə Xıdməti (DTX) koəkon tərəfo qəte, əçe telefoni dasto se, bın onemon bardə be iyən tosə şəvi nimə əyo damə kardə be əloğədar bə məhkəmə ovardoən, əçe şikot bə icroot peğətə bə ni. Yəni Səbail Rayon Məhkəmə vəkili bə DTX vəynə şikoti tədğiğ kardeku imtino, bın ovarde diyə karde həxədə ğərordod doəş nıbe. Fariz Namazlı həmonə ğərordadi ləğvi ro apelyasiya şikatış doə be.Bə əçey kardə şikoti Boku Apelyasiya Məhkəmədə diə kardə bə. De doə məlumati, bastə dəvardə məhkəmə iclosədə hiç Fariz Namazlı ıştənən iştirokış kardə ni. İntasi, əçe apelyasiya şikot həxin zınə, təmin kardə bə – Səbail Rayon Məhkəmə sentyabri 24-də bekadə ğərordad ğeyriğanuni və beəsos hisobış kardə bə, ləğvış kardə.Apelyasiya məhkəmə ğərorış doə ki, vəkili bə DTX vəynə şikot mahiyyəti ro tədğiğ bənine. Çın səbəbiku ko bə Səbail Rayon Məhkəmə oqordonə bə.Fariz Namazlı avqusti 31-də şanqo saat 21.00-də Boku şəhəri kafeon qılıədə de istə duston ivrədə bə fəxt DTX koəkon tərəfo qətə bə, həmon fəxt mizi səpe bə telefon peğətə bə. Əv, bə Devlət Əmniyyətə Xıdməti bina bardə bə, 3 saat nim əyo oğətə, damə kardə bə. Maştəne ıştə “Facebook” hisobədə de nıvıştəy, bın ko oşkoəti vardə Fariz Namazlı, DTX-də bənə şoydi ifodə doe bəyon bıkoən, konkret bə kon cinoyət koy ro ifodə doe votəş ni. Vəkili kardə şikot, koy fəxt orəxə bə peş, şanqo saat 21-də əy oğəte, bə DTX barde bə dəstqirəti bərobər hisob be barədə bə.
