Bə İron təcavuzi məhkumiyəti həxədə telefonə əloğəon

İron iyən Rusiyə xarici koon vəziron telefonə qəpışon jə.

İroni xarici koon vəzir bın dəvardə 41 ruji dırozi çe amerkə iyən sehyonist rejimi bə İroni ələyh mırtəkib bıə cinoyəton,min cumlə çəvon bə İroni sənaye-istehsoli infrastrukturon, noxəşxonəon, məktəbon,jimoni məntəğəon iyən bə İroni atomi obyekt və mərkəzon ələyh bıə həmləon şərh doə holədə,bo ın cinoyəton məhkum kardey iyən təcavuzkoron cəvobdehətiro,bə beynəlxalğə onemonon məxsusən bə İMT iyən AEBA tərəfiku təcili hərəkəton vocibəti təkid kardəşe.İrağçi həmçinin de bə amerkə bə İroni enerji təsisoton ələyh hucumədə bıə təhdidon işorə kardey,ın ritorikəş bo canqi cinoyəton irtikobiro qıləy ğətiyə etırofış zıne.İroni xarici koon vəzir İMT Əmniyyət Şuraədə həmmə təsirinə tərəfon səmtiku bə beynəlxalğə həxon əsos bo amerkə çın Şuraku bənə qıləy avjori istifodə kardey ğədəğən beyış iyən məsulonə nəzəş tələb kardə.Rusiyə xarici koon vəzir həm çın kişfəri de amerkə iyən sehyonist rejimi bə İroni ələyh hərbi təcovuzi məhkum kardeyədə bıə usuli mevğey bə yod vardə holədə,bə ğeyri-mulki şəxson ələyh məxsusən bə Buşehri atomi stansiyə ələyh ğeyri-ğanuni hucumon oqətey vocibəti təkid kardəşe və bo çın canqon dayirə hovujəti navi qəteyro,bə çe har qıləy fırsətiku oko doey təkid kardəşe.