Ğudsi ruj Ğərəboği ruj həm bə hisob omedə
Ğudsi ruj Ğərəboği rujəm bə hisob omedə
Ğudsi ruj nə inki Ğərəboği ruj,bəlkəm Pakistanədə Keşmiri ruj,Çinədə uyğurə mısılmınon ruj, Nezə Şərğ,İrağ və Suriyə ruj həm heste.
Azərbaycani "günün səsi " xəbəriyə mərkəz ki qıləy Tolışə şiyə nəzorəti jiyoy,nıvştışe miladi 1979 minə sori iminə kərəyo "Ğusdi ruj" İroni İslomiyə İnğilobi Rəhbər Həzrəte Ayətullah Xomeyni (r) təşəbbusi Fələsitnıjon ozodəti himoyə karde xoto bərpo be və ərujiku bə peştə hasor Rujə mıbarəkə manqi oxonə cımə ruji mıxtəlif mısılımonə kişvəronədə de Fələstini miləti himoyə karde hədəfi bərpo bedə.
Beynəl-Xalğ iminə canqi oxonə vaxtonədə vaxtiki Biritaniya Fələstini zəminonış işğal ka fəğət 5 faiz in məntəğə cəmiyətiku yəhudi bin. in işğaliku bə peştə İnqiltərə yəhudiyon cəmiyə dastə muhacirətiyo fırsəti pəydoşon karde və çəyku bəpeştə 30 sor bə nav 500 həzo nəfərisə ve yəhudişon bə ın məntəğə vığandışone.
1947 minə sori noyabri 29 minə ruji İbıə milləton təşkiloti umumiyə iclos Fələstini zəminonədə de ərəb və yəhudiyə dıvləton icod karde əlağədə ğərolış qəte.
1948 minə sori mayə manqi 14 minə ruji yəhudion mıstəğilə İsraili kişvəri icod kardeşon elan ka və yəhudi hərbi ğıvvan 77 faiz Fələstini ərazişon işğal ka ta bə ısət bə yəhudiyon işğalqərə siyasti ələyh Fələstinıjon mıborizə heç mısbətə nəticəş bə ni. əmo Fələstin və Ğuds və Fələstini ideaon bə qıləy Beynəl-Xalğə mığoviməti hərəkəti icodbe bois bəy və ın hərəkət co qılə mısılımonə kişvəronədə həm ve bəy.
Ğudsi ruj "Ğərəboği" ruj həm heste. 20 faiz Azərbaycan Respublikə sərzəminonku 30 sor çimiku bə nav ermənion vositə işğal bəy və əlarəğme İbıə milləton təşkiloti ğətnamə Azərbaycan Respubliklə işğaliyə sərzəminon ozodəti bardə in ğətnamə icar bedə ni. bo çimi xoto Ğudsi ruj nə inki " Ğərəboğ", bəlkəm Pakistanədə Kişmiri ruj Çinədə uyğurə mısılımonon ruj Nezə Şərğədə İrağ və Suryə ruj həm heste bə bəpe bıvotəmon ki, İslom dınyodə həmə problemon həl karde fəğət İslomiyə vəhdəti nəticədə imkanış heste.
