İronədə İnqiltərə səfir bə Qilan ostani turizm zərfiyətoku bəhrə peqəteş təkid ka
İronədə İnqiltərə səfir votışe: coğrafiya çokə şərayet və iyən ixtisadi, ticari çokə zərfiyəton Qilanış İnqiltərə şirkəton huzuriyo bə qıləy faidəinə baxş təbdilış kardə
Avgustə manqi 12 minə ruji bə İrna xəbəriyə mərkəzi raporti əsos İnqiltə səfir "Nicholas Hopton" Tehronədə (İroni şimal) Ənzəli bıə nomo liman ozodə məntəğə de Rıza Məsror vindemonədə omə rujonədə bə İnqiltərə və İroni əlağondə mısbətə hadisə icod karde işarəş ka və əlovəş ka: bə mali və ixtisadiyə həmakarətion sorət doe bəzne əlağə inkişafədə bə nav omə problemon miyonəku bıbə.
Əv Ənzəli bıə nomo liman ozodə məntəğə maşin həvate və istihsalədə fəaliyət kardeyo təkidış ka və votışe:
bə zərfiyəto, forsəton sərmayə noe diğət karde lozime ki, ta ın məntəğə bə İnqiltərə sərmayə noə kəson və şirkəton oşno bıbon.
İronədə İnqiltərə səfir dı tərəfə həmkarəti karde inkişaf doeyo Londoni muəsisəon və Ənzəli bıə nomo ozodə məntəğə miyono əlağə icod kardeyo 1 minə ğədəmş zınə və votışe:
Hal hazırədə de Beynəl-Xalğ estandardon torizm strukturon icod kardəmon.
Ənzəli bıə nomo ozodə məntəğə mudir həm ın vindemonədə turizm strukturon de Beynəl-Xalğ standardonş ın məntəğə zərfiyətonku zınəşe və votışe: Ənzəli ozodə məntəğə də beynəl-Xalğ maliyə təşkilaton icod kardeyo İnqiltərə təcrobəonku istifadə kardeyo hozzımon.
Əv bə sənaye, ticarət və turizm mıxtəlivə baxşonədə Asiyə və Avropə kişvəron sərmayə noə kəson işarəş ka və votışe:
Atom məsələdə mştərəkə bərnaməon noe icra be bəpeştə Ənzəli ozodə məntəğədə xareciyə şirkəton huzuri ve be şoyd hestimon.
In vinedmonədə Ənzəli limani ozodə məntəğədə İnqiltərə və İroni zumandəti təxəsusiyə numayeşqah bərpo be bardə sıxan be.
Qilan ostani Kaspiyən limani mərkəzdə ki, Kaspi dıyo yolə dıyoiyə liman bə hisob omedə 50 qılə sənye şirkətiku ve və qılə ticariyə mərkəz fəaliyət kardən.
Bə Qilan İnqiltərə səfiri dəvardə səfəri cəryandə de Qilan ostandar həm vindemonış ka.
