Şiiə yolə alimon
Şiyə dınyo yolə alimon-162
Şiiə yolə alimon
Şiyə ali-ğədr iyən yolə alimonku qıləyni Seyd Əli Əkbər Fal Əsiriyeki,Hicri-Ğəməri 1256-ə sori bə Farsi ostani Lamerd şəhrıstoni tabe bıə əsiri diyədə bə dınyo ome.
Seyd Əli Əkbər Fal Əsiri çordə sornə nevcıvon be ki,ıştə ibtidoyi və mığəddimə təhsilonış bə oxo rosneşe.əv Hicri-Ğəməri 1279-ə sori boştə dini təhsili təkmil iyən dəvom doeyro bə Şirozi elmiyə hovzə səmt hərəkətış karde.Şirozədə əv çı Şeyx Məhdi Qəcuri nəzdədə de dini dərson təhsili məşğul be və bə iştihodi dərəcə rəsey bəpeştə boştə dini elmi səviyyə barz kardero bə Nəcəfı-Əşrəfi səmt hərəkətış karde.Fal Əsiri Nəcəfı-Əşrəfi elmiyyə hovzəonədə ıştə təhsilonış çı Mirza Həbibullah Rəşti nəzdədə idoməş doe və bə qıləy aliyə mıştəhid iyən çı rujqori iştimoyi, və siyosi koonədə qıləy aqahə fəğihi təbdil be……
Şirozi yolon iyən millət ki,bo Nəcəfı-Əşrəfi ziyorət kardero oməbin,çandə kərə çın yolə alimiku tələbışon karde ki,bə Şiroz oqardo ta millət boçəvon dini iyən dınyəvi koon bə səhmon dənoeyro çəy vucudiku bəhrə bıbon və çəy siyosi iyən iştimoyi aqahəti sayədə çı zolımon zulmiku əmonədə bımandon.əmmo ayətullah Fal Əsiri çəvon ım tələbonış ğəbul nıkardeşe və çıro ki, çəy fikış hestebe ki,dayimi surətədə Nəcəfədə bımando və ıştə jimoni çı həzrət Əli(ə) pok iyən mıtəhhərə hərəmi kəni dəvordıno.
Ayətullah Fal Əsiri bo Nəcəfı-Əşrəfi şəhrədə mandero bıə oruzu real nıbe vı həyğət nırəse. boçi ki,əv bəştə ustod Mirza Həbibullah Rəşti tələbi əsos çı Şirozi milləti dini yolyəti koş ğəbul karde və təğribən Hicri-Ğəməri 1277-ə sori bə Şirozi şəhri oqarde.əv Şirozi elmiyyə hovzədə de dini elmon tədrisi koy məşğul be,risolətş nıvışte və çı Şirozi şəhri həmməysə əslə məçit yəni Şirozi Vəkil mıçitədə cəmoəti nımojış bərpo kardeşe…..
Ayətullah Fal Əsiri bə Şiroz omə sıftənə soronədə be ki,çı ingilison nufuz Şirozədə vey hevujə surətədə be və millət həm dəvardə zəmoniku vey çı istemori sanqinə sayə hiss kardedəbin. əmmo Ayətullah Fal Əsir bə ın vəzyəti təhəmmul kardey iyən tov vardeyış nızıne və har ruj de qıləy roy vositə ıştə mıxolifəti de ın mevzu nışon doydəbe.əv həm bənə sayir mərace və İslomi alimon de xariciyon bə islomi sərzəmin iyən məmləökəton təsəllut pəydu kardey və de harçi ki, barzətə tələb kardedəbe deəy mıxolif bin.iruj Ayətullah Fal Əsiri ki,bo nımoji bərpo kardero iyən Aşurə ziyorəti handero bə məçiti səmt hərəkət kardedəbe.qıləy şəxsış vinde ki,mədəni koəvonon olətış bəştə tanı. kardəbe və vey məğruronə formədə bə qıləy asbi suvar bıə holədə çəyo dəvardedəbe. Ayətullah Fal Əsiri ıştə ətrofədə bıə kəsonku dəparseşe ki,ım fərd kiye? voteşone ki,çı ingilisi konsule.Ayətullah Fal Əsiri bə həmonə ingilisi konsuli əmrış karde ki,çı asbiku etato saru,piyodə hərəkətko və bəçəy və beşə har qıləy mısılmoni səlom bıvoto.
