X şəbəkə istifodəçi: Avropəvıjon israyilədə ıştə dəvardə rujon vindedən
X sosyal şəbəkə qıləy fəoliyət kardə kəsonku qıləy postədə, Ğəzzə tanqədə bə seonist rejimi qenosid kardey reaksiyaş nışon doə.
X sosyal şəbəkə ın istifodəçi qıləy Fələstinıjə xeyzoniku ki, israyili dəvardə rujon hucumədə bə şəhodət rəsə bin,de qıləy şəkili nəşr kardey nıvıştışe: qenosid kardey yəni həmonə koy ki, Amerkə və Kanada de sıəpuston və bumiyon kardışone. Yəni həmonə koy ki, Avstraliyadə əncom be. Curi ki, bumiyə millətışon sute və çəvon jen iyən hırdənışon kışte ki, hətto şikoyət kardə kəs həm nımande.
Avropəvıjon israyilədə ıştə dəvardə rujin vindedən və bo həminə xoto çəy himoyə kardə kəsin.
2023 minə sori oktiyabri 7 minə rujiku seonist qenosid kardə rejim de ğərbiyə kişvəron həmmə cəhətinə himoyəon, bə Fələstini beqınoə milləti zidd İordan ru ğərbi sahil və Ğəzzədə ğətlı-amışon bəro dəğandə və seonist işğalqərə rejimi cinoyəton vədə insonə həxon mərkəzon və dınyo camiyə tam jəey, de seonist rejimi ğeyri ğanuniyə rejimi canqiyə maşini vositə Fələstinıjə hırdanon və jenon kıştey dəvomi boyis bəy.
