Ərəbıstonı rəket iyən artileriya hucumon bə yəmənı ğeyre hərbiyə məntəğon.
Jan 16, 2018 12:02 Asia/Tehran
Səudiyyə Ərəbıston bə yəmənı zid ıştə cinayəton dəvomədə de artileriya iyən rəket bə Sədə ostani ğeyre hərbiyə məntəğon hucumış bardə ki bə xəyli binaon iyən ditəsərrufati zəminon ziyan qıniyə.
Bə Əlməsirə xəbəriyə kanali nəğli əsosi İRNA ımruj sıb elanış kardə Səudiyyə Ərəbıston eyne holədə de çandə qılə rəket iyən artileriya qullə bə Ğəmər nomo bıə sərhəddiyə şəhri hucumışon bardə.
Şəda Razeh iyən Mənbəh və Əzzahir nomo bıə sərhəddiyə şəhron desbə ısət çandəkərə de Səudiyyə Ərəbıstonı silahlinə ğıvvon rəketon və artileriya hucumon dim bə dim bən və çandə 100 nəfər kıştə və yarəjə bən.
