Davosədə bə İroni əleyh çı Ərəbıston, Bəhreyn və İ bıə Ərəb Əmirətiyon vindımon qıləy stratejikə səhv be.
İroni islamiyə şura parlemanti rəisi məxsusə məslehətçi votışe: bə İroni əleyh pesoxtə bıə iddiyaon qıləy şərayetədə bəyon bedə ki İraği məhv bıə diktator Səddami bə Kuveyt huccum karde faxtədə İroni millət ıştə Ərəbə hamsuyə iyən Kuveyti kənoədə vey zumand mandə be.
Beynəl xalğ sahədə İroni məclesi rəisi məxsusə məslehətçi Huseyn Əmir Əbdullahiyan bə Ərəbiston, İ Bıə Ərəbon və Bəhreyni rəsmi şəxson xətob kardə ki sıpiyə bino iyən siyonist rejimi cəsusiyə təşkilaton şıməni bənə qıləy i kərə istifodə bıə dəstmol məsrəf kardən əmmo çəmə miyono hamsuyəti iyən mısılmonçiyəti əbədiye.
Davos nomo bıə iğtisodiyə iclosədə Bəhreyn, İ Bıə Ərəbon Əmirəti və Bəhreyni rəsmion bənə ıştə dəvardə siyasəton dəvom bə İroni əleyh vey be əsosə iddiyaon bəyon kardən ki məntəğə be stabil karde çəvonku qıləy ni be.
