İroniku dəhəştinə tars Netayahu oromətətiş barde.
İroni mıvzo anədə sionist rejimi i-nə vəzir Benyamin Netanyahu yodi hərəsonış kardə ki əv asudə vaxtədə həm bə İron xususi fik kardedə.
Bə İrna seşambə ruji raporti əsos, Cerozalm sionistiyə rujnomə sayt nıvıştəşe ki ım rejimi nəzorət daxıliyə sistemiku i qılə təsvir nışo doe ki Netanyahu ıştə asudə vaxtədə İroni barədə Deyli Bist saytiku qıləy məğolə hande holədə heste.
Im sionistiyə rujnomə əlovəş kardə, ım təsvir ijən nışo doe ki əv ım məğaləş de kabineti kəşfiyot vəzir Yısrael Katz şeir kardəşe.
Netanyahu çimiku bənav ıştə təyli və bekoə vaxtonku 2-minə dınyo yolə canqi zəmonədə bıə İnqiltərə i-nə vəzir Vinston Çərçil jimoni barədə kitobon handero istifodə əki.
Im mıvzo nışo doə ki Netanyahu məntəğədə İroni zumandə ğudrətiku çandə tarsedə və hətto bə Telaviv Amerkə yolə rəsmi şəxson səfər həm karde zındəş nıbe ki ım niqoronətion kəm bıkə.
