Yəməni bepilotə təyyorəon bə İ Bıə Ərəbon Əmirəti Abu Dabi aeroporti həmlə kardeşone.
Yəməni ərtış və muğavimət ğıvvon de Səmade 3 bepilotə təyyorə İ Bıə Ərəbon Əmirəti Abu Dabi aeroporti bombardemon kardeşone.
Bə Fars aqentiyəti raporti əsos, Yəməni Əlməsirə kanal elanış kardə ki zinə ruj Səmade 3 bepilotə təyyorə fəaliyəti bino bey həmzəman ım təyyorə çand kərə bə İ Bıə Ərəbon Əmirəti Abu Dabi aeroporti həmləş kardə.
Yəməni ərtış ım haftə seşambə Yəmənədə cinoyəton dəvomiyəti barədə bə Ərəbiston və İ Bıə Ərəbon Əmirəti xəbədorəti doəş be.
Yəməni ərtışi sıxənəvot Şərəf Loğman votəş be ki Ərəbiston və İ Bıə Ərəbon Əmirəti həmə məntəğəon əcumlə Dubai, Yəməni bepilotə təyyorə və rəketon tirrəsədə hestin.
Yəməni ərtış Miladiyə dəvardə manq həm karde zinəş be i-nə minə kərə de Səmade 2 diyəməsofə bepilotə təyyorə istifodə karde bə Riyad məntəğədə bıə Ərəbistoni Aramko nomo natiyə şirkəti nattəmizkardə zəvodi həmlə bıkə ki bə Səudiyon etırofon əsos çı otəş qəte bois be.
