Cabiri Ənsari: İron və Suriyə miyono ixtisodi stratejik muğavilə bı nezonədə imzo bəbe.
Siyasi məxsusə məsələonədə İroni xarıci vəziri dəstyor ixtisod sahədə de Suriyə stratejikə əloğəon barədə muğavilə imzo beyku xəbəş do.
Bə Telerədio aqentiyəti raporti əsos Huseyn Ənsari Suriyədə İroni iğtisodi siyasəton barədə votışe: de Suriyə muğaviləoni hozzo bıə iyən iğtisod sahədə stratejik sazişon bə oxonə mərhələ rəsə ki nezonədə imzo bəbe.
Əv bə Suriyə İroni prezidentəti i minə muavini omə səfər işorəş karde və votışe: bə sulh iyən oromtətəi mərhələ daxil bey zəmoni Suriyə karde bəzne bo İron vey yolə vıjor bıbu.
Tojədən İroniku bə Suriyə vığande bıə ali iğtisodi heyət və Suriyə iğtisod vəziri miyono iclosi bəpeştə jıqo elan bıə ki İron və Suriyə omə ali kamissiya mıştərək iclosədə İroni prezidenti i minə muavin və Suriyə i minə vəziri tono 2 qılə kişvəri miyono iğtisod-mədəniyə stratejik əloğəon muğavilə imzo bıbu.
