Seyd Həsən Nəsrullah: DAEŞ-i məğlubiyət çı ərtış, millət və muğavimət cəhbə zərinə ittihodi nəticəy.
Livani Hizbullah yol, İŞİD-i dastiku Hermel şəhri ozod karde sorqardışi mınosibəti qıləy sıxənonədə votışe: Livani şərğədə de DAEŞ terroristiyə qrupi mubarizədə bə ğələbə rəsey və ım şəhri ozod karde, ərtış, millət və muğavimət cəhbə miyono zərinə i bemoni nəticəy.
Livani Hizbullah rəis Seyed Həsən Nəsrullah zinə Livani şərğədə Təkfiriyə qrupon işğaliku Hermel məntəğə ozod kardey iminə sorqardışi mərasimədə bıə iştirokəkəyon cəmədə de mediya-konfransi vositə votışe: muğavimət ğıvvon de surəət Təkfiri və terroristiyə qrupon vədə mığovimət kardeşone və de ərtış, millət iyən muğavimə cəhbə ittihodi ım səbarzətion bə dast omə.
Livani Hizbullah Hərəkəti yol votışe, sionist rejimi ərtış veyni ıştə təchizaton və imkonaton tojədən inkişofış doə əmmo ım hərəkəton həm karde zınəş nıbe əvoni məğlubiyətiku xılos bıkə.
Seyed Həsən Nəsrullah təkidış kardə: zəmoni ki Suriyədə DAEŞ-i ğıvvon mıhosirədə bıbun, Amerkə hərbi təyyorə iyən vertəlyoton bo əvoni xılos karde omedən, ım yəni DAEŞ-i məğlubiyətədə Amerkə rol qıləy duə sıxane, boçi ki əvon bo DAEŞ-i omri dıroz karde cəhd kardən.
Livani Hizbullah yol votışe, Amerkə detosə ə zəmoni ki ıştə mıttəhidonku veyə istifodə nıkoy və detosə bə faxti ki bəştə niyyəton dast peydo nıkə, bə əvon bo bo fəror və nicot peydo karde hiç fırsəti nibədoy.
Seyed Həsən Nəsrullah təkidış kardə, dınyoədə bo Amerkə hiç həmpeymoni mandə ni, bəlkəm Amerkə de həmmə kəson bənə əbzori rəftor kardən, çən Kırdon həm bəpe ehtiyot bıkən ki Amerkə sue-ğəsdon iyən bə dast dənoə vədə ğıboni nıbon.
