Əmir Əbdullahiyan: Yəmənədə bıə bohranon, çı Ərəbıstoni nodırıstə vındemon və siyasəti nəticəy.
-
Əmir Əbdullahiyan: Yəmənədə bıə bohranon, çı Ərəbıstoni nodırıstə vındemon və siyasəti nəticəy
Beynəl-xalğ sahədə İroni məclısi rəisi məxsusə məsləhətçi, bə Yəməni milləti əlleyh Ərəbıstoni Hərbiyə təcavuz iyən mıhosirə dəvomi, çı Səudiyə kralon bevəcə siyasətonku zınəşe.
Bə İsna raporti əsos, Beynəlxalğ sahədə İroni məclısi rəisi məxsusə məsləhətçi "Əmir Əbdullahiyan", Tehronədə bıə Yəməni İnğilabi Ali Şura uzv, "Rizvan Əl-Həyyemi" mıloğot karde cərəyanədə əlovəş kardə: Ərəbıston deştə bevəcə siyasəton, Yəmənədə bıə bohranon ziyodış kardə.
Əmir Əbdullahiyan bə ım nuktə işarəş kardə ki, bə Yəməni milləti zidd canqi dəvom, məntəğədə bestabilə vəzyəti boys be və votışe: ım hadisə Təkfiri-Vəhhabiyə terrorçiyon hevujəti iyən bə inkişaf rəse boys be, ijən qıləy islamiyə kişvəri binoon, umumi imkanaton və kəon xərobə karde, cinoyəton iyən çand həzo nəfər Yəmənıjon avarəti boys be.
İroni məclısi rəisi məxsusə məsləhətçi təsdiğ kardə ki,terror və təcavuzi vədə çı Yəməni millət iyən lideron muğavimət karde, ısət de Yəməni istiğlal və ərazi təmamiyyəti oğəte bə ico be ijən İron həmişə təkid kardə ki çın kişvəri(Yəməni) bohrani hələkə yeqanə roy-yəni siyasi roon-himoyədorətiye.
Əmir Əbdullahiyan həmçınin votşe: Yəmənədə Milli Məclisi bino bey iyən Milli Vəhdət Dıvləti ko karde, çın kişvərədə siyasi prosesi royku qıləy muhimmə hərəkət heste ki Tehron çəvon dılədə bə Yəməni həmməy qrupon iyən partiyaon iştirak karde mıvofiğ heste.
Yəməni İnğilabi Ali Şura uzv həm həminə mıloğotədə votşe: Yəməni millət, bə Seyonisti-Vəhhabiyə deşmınon iyən çəvon həmpəymon və muzduron vədə muğavimət və səbarzətionış, çı İron və məntəğə bəzi kişvəron himoyəon sayədə zıneydən.
