Əsri muğavilə qıləy xiyonətkor və rəzilanə plane; sionist rejimi umri oxo rəsə.

İroni islamiyə şura məclesi rəis Amerkə və sionist rejimi tərəfo hozzo bıə əsri muğavilə qıləy xiyonətkor və rəzilanə plan zınəş be və istikbor kişvəron tərəfo şeytoniyə hərəkəton vədə mısılmonə cəmaəti huşin mande pidəş be.

Bə İrna raporti əsos Əli Laricani İroni məclesi zinə iclosədə Bəhreyni ome iclosi bo həmmə iştirokəkəyon be abroəkə ko hisobış karde və votışe: Ğuds beynəl xalğ rujədə dınyo bə mıstəkbiron iyən işğaləkəyon zumandə cəvob bədon.

Əmmo Ğuds beynəl xalğə ruji dəmə Astanədə İroni islamiyə şura məclesi deptaton həm de qıləy bəyaniyə bə muğavimət cəhbə zumandəti təkid və sionist rejimi umri bə oxo rəse barədə bə ım rejimi zəif bey işorəşon karde.

İroni islamiyə şura məclesi nımoyəndəon ijən Fələstin məzlumə millətiku himoyədorəti kardışone və de Amerkə təbliğiyə siyasəton Ğudsi bənə sionist rejimi paytəxt zınə məhkum karde.

Rə məçidoləğsaədə mısılmonon vəhdət nımoji vote əv həm nezə zəmonədə çı həxi vəedə hisobışon karde.

Zinə ijən mubarək rujə manqi oxonə cumə ruj yəni Ğuds beynəl xalğə ruji Astanədə Tehronədə bıə Fələstini səfir çı İroni məclesi milli əmniyyət kamissiya mehmon be.

Əv Ğuds beynəl xalğ ruji yolə aksiyadə cəmaəti əzəmətinə iştiroku tələbış karde.

Ğuds beynəl xalğə ruji yolə aksiya cumə Mayə manqi 31 həmzəman İron və dınyo kişvəronədə bərpo bəbe.