Turkiyə xarici vəzir votışe: Turkiyə ijən bəştə əməliyaton çı suriyə şimal məntəğonədə idomə bədoy.

Movlud Çavuşoğlu, Antaliyədə bıə Suriyə barədə xəbəriyə iclosədə votışe: əmə bə har kişvər ki bıpiyo rişəku çı Suriyə bohrani həl bekə, həmkorəti bəkamon.

Əv bə Suriyə bohrani de Suriyə ərazi təmamiyəti oğəte bə iverə həl karde təkidış karde və votışe: otəşbasti barədə de Suriyə devlət iyən mıxolifə qrupon həmohənqəkə koon təqib və icra bəkamon.

Çavuşoğlu təsdiğış karde: bə DAEŞ-i zidd mıborizə karde xoto, çı Suriyə şımal məntəğə Əl-Bab şəhrədə bıə  Furati sipər nomo əməliyat ijən dəvom pəydo bəkarde.

Əv həmçınin, votışe: iminə rujiku əmə bə Rusiyə votəmone ki, Astanə şəhrədə iyən bo Suriyə bohrani həl kardero mızakironədə, Kırd Xalği Mıdofiyə əkə hərbiyon bəpe huzurışon məbu.

Çavuşoğlu eyni holədə təkidış kardə ki, jıqonə Kırdə qrupon ıştə silohon bə zəmin noe və çı Suriyə ərazi təmamiyyəti tərkibədə ıştəni zene bəpeştə bəznen Suriyə bohrani həl karde prosesədə huzurışon bıbu.