Bəhreyni rejim şiə muəlimon ixroc karde fikədəy.
Bəhreyniku xəbə ome ki Ale Xəlifə rejim pidəşe çand həzo ım kişvəri şiə muəlimon təhsil sistemiku ixroc bıkə.
Bə İrna raporti əsos, Ale Xəlifə rejim co tərəf ixroc bıə şiə muəlimon əvəzi Ərəbiston və Misriku muəlimon bə ko pebəqəte.
Dəvardə rujonədə həminə siyasəti çərçivədə çandə muəlim Misr və Ərəbistoniku bə Bəhreyn varid bıən və hol ım ki çand həzo Bəhreynıjə muəlim fəğət şiə bey xoto ko kardeku Muhərəmin.
Bəhreyni Əlvefağ cəmiyəti ım siyasəti barədə Ale Xəlifə hərəkəton qıləy təfrəğə icodəkə şivə hisobış karde və notaş do: təhsil vəzarətxonə tərəfo jıqonə fitnəkorə siyasəton iştimaiyətədə bevəcə təsiron icod bəkay.
Bəhreynədə şiəyan vey çətin və bevəcə şərayetədə jidən və detosə bə ısət çand sa nəfər ım kişvəri şiə şəhrvandon Ale Xəlifə tərəfo edam, həbs ya xot çəvon şəhrvandəti həx ləğv bıə.
Ale Xəlifə rejimi otosniyə və repressiv siyasəton jentonədə Bəhreyni şəhrvandon 8 sor heste ki ım kişvərədə ozodəti və ədoləti de demokratik hukuməti vıjniyə tələb kardedən.
