Hezbullah rə bə sionist rejimi cinoyəton reaksiya nışo doe bəzne.
İroni islamiyə şura məclesi xarıci siyasət və milli əmniyyət kamissiya rəis bə Livani Hezbullah qrupi ğudrət işorəş karde və votışe: ısət Hezbullah karde bəzne rə bə sionist rejimi cinoyəton reaksiya nışo bıdə.
Moctəba Zu Əlnori bə Livani Ələhd kanali votışe: Hezbullah ısət deştə ğudrəti karde bəzne sionist rejimi harcurnə xəbisə plani miyoniku məhv bıkə və bə əvon vey pəşimonəkə cəvob bıdə.
əv votışe: muğavimət cəhbə rəzməndəon deştə ğudrəti sionist rejimi xəbisə hərəkəton be əsər kardəşone.
İroni islamiyə şura məclesi xarıci siyasət və milli əmniyyət kamissiya rəis ijən bə muğavimət qrupi bə dast ome muvəffəğiyəton əv həm İmom Husein(ə) ğiyam və məktəbi jentonədə işorəş karde və votışe: ımruj dınyo məzlomon sionist rejimi vədə Hezbullah qrupi ciddi və zumandə reaksiyaonku xoşhalin.
İvani Hezbullah qrup bə sionist rejimi tojə təcavuzi reaksiya nışo doe çərçivədə işğaliyə sərzəminon şimolədə sionist rejimi qıləy hərbi maşini məhv kardışone.
