Suriyədə muğavimət cəhbə səbarzətion dəvom kardedə.
Suriyə ərtış zinə Edleb ostanədə ıştə hərbi muvəffəğ əməliyaton dəvomədə muvəffəğ be 2 qılə di işğaliku ozod iyən vey terroriston həlok kə.
Isət Suriyədə xusosi cənub və şərğ məntəğəonədə terroriston vert və vılo karde əməliyat ijən dəvom kardedə.
Suriyə Edleb ostan bənə terroriston oxonə vırəy ki Suriyə ərtış de muğavimət qrupon ba həm pidəşon əy ozod kon.
Suriyədə muvəffəğ əməliyaton qıləy şərayetədə dəvom kardedə ki Tırkiyə ijən bə Suriyə hərbi təchizat və imkanaton əvoştoniyədə.
Siyasi meydonədə həm xəbə ome ki zinə Rusiyədə həm xəbə ome ki zinə Rusiyədə İroni səfir Kazım Cəlali Suriyə məsələ barədə de Miyonə Şərğ mıvzoonədə bıə Rusiyə xarıci vəziri muavin Seqey Verşinin vindemon və muzakirəş karde.
Im vindemonədə ijən bə Suriyə bıhrani həl karde barədə İron və Rusiyə miyono bıə həmkari və həmohənqion təkid be.
Rusiyə həmçınin zinə əmniyyət şura məxsus iclosədə terroriston məhv karde xoto Suriyə ərtış ğıvvon tojə dıvrə əməliyatonış bə təğdiri loyiğ bə hisobış varde.
