Yəməni milləti ğətliamədə İnqiltəra çı Səudiyə rejimi şərike.
İroni xarıci vəzarətxonə sıxənəvot İnqiltəra bə Ərəbiston siloh həvate prossesi dəvomi tənğid və təkidış karde: İnqiltəra dıvləti dast Yəməni məzlumə milləti xunədə aludə iyən ləkədore.
Seyed Əbbas Musəvi ıştə Twitter tojə mesajədə bə Yəmənədə bıhraninə şərayeti işorə və əlovəş karde: İnqil dıvlət silah muğaviləku fəğət bə pul fik kardedə və hol ım ki Yəməni milləti ğətliamədə de Səudiyə rejimi cinoyət həmdast və şərike.
Yəməniku xəbə ome ki tojədən Səudiyə rejimi təyyarəon bə Əlbəyzae ostani qomrul idarə həmlə iyən çandə homanitarə koməkon bombardımon kardışone.
Yəməni siyasi aliyə çura uzv Muhəmməd Əli Əlhosi bə xorak iyən dəvo-damon Səudiyə rejimi həmləon canqi cinoyət nımunə zınəş be ki tojə soronədə bə Yəməni milləti əleyh dəvom kardedə.
Xəbəon jıqo hikayət kardedə ki dəvardə 24 saəti mıddətədə Səudiyə rejimi təyyarəon iyən muzduron 67 kərə Əlhudidə otəşbasti ləğv kardışone.
Siyasi meydonədə həm ixtilafon dəvom kardedə; tojədən bə İ Bıə Ərəbə Əmirətion vabəstə bıə cənubə nomo movəğğətə dıvlət bəyaniyədə bə Ərəbiston vabəstə bıə Mənsor Hadi istefo doe dıvləti ğeyri ğanuni elanış karde.
