Livani Hizbullah sədr: miğavimət hiç faxt sionist rejimi bənə rəsmi hakimiyyəti bə hisob nibəvarde.
Livani Hizbullah təşkilati rəis Aşura ruji mesaji zılm iyən sitəmi vədə mande zınəş be və votışe: Hizbullah hiç faxt muğavimətiku dast nibəkəşe və həmmişə sionist rejimi bənə deşmon bə hisob vardedə.
Livani Hizbullah təşkilati rəis Seyd Həsən Nəsrullah zinə bə Aşuraye Huseyni matəmə ruji xoto məntəğədə ımrujnə canqi həx iyən boteli miyono bıə canq bə hisobış varde və votışe: Hizbullah iyən islomiyə muğavimət ımruj məhərrəmə manqi 10ədə de zumandəti təkid kardən ki bə de sionist rejimi mubarizə əkə har qrupi komək bəkan.
Seyd Həsən Nəsrullah Amerkə dıvlətış məntəğə kişvəron əcumlə Yəmən, Suriyə və İraği ğarət əkə həmçenin İroni daimiyə deşmon bə hisobış varde və təkid kardeşe: həminə təcavuzon vədə fəğt bəpe mubarizə iyən muğavimət kəmon.
Livani Hizbullah təşkilati rəis İbıə Ərəbə Əmirətion iyən sionist rejimi miyono əloğəon adi və normal bey bə ərəb dınyo xəyonət karde iyən yolə zəliləti bə hisobış varde və votışe: sionist rejim de ım səbə elan karde ki İordan ru ğərbi sahilədə işğal siyasətiku dast nibəkəşe və bə İbıə Ərəbə Əmirətion ğırəkə hərbi təyyorəon həvate pidəş ni əmələ Əbu-Dabiş be abru karde.
Əv bə Livanədə bıə vəziyəti sə-samon doe xoto həm rə iminnə vəziri vejniye tələbış ka.
Seyd Həsən Nəsrullah de sioniston həmlə vositə Suriyədə Hizbullah qıləy hərbiçion Əli Kamil Muhseni şəhodəti intiğomi qətey barədə həm təkidış karde ki ğudrət balansi siyosəti çərçivədə sionist rejim bəpe bızono ki əqə Hizbullah qıvonku qıləyni bıkışto, çəy qıləy hərbiçion kışey bəbe.
