İraği dıvlət bape Amerkə hərbiçion ixroc kardero zumandə ğərolış bıbu.

İraği parlamentədə bıə Bədr nomo partia rəis takidış karde ki İrağ ıştən ərtış və həşduşşəbi ğıvvonış heste və bo ım kişvəri əmniyəti oqəteyro həni bə co xarıci ğıvvon ehtiyociş ni.

İraği parlamentədə bıə Bədr nomo partia rəis Həsən Şaker Əlkəəbi votışe: əqə İraği dıvlət xarıci hərbiçion xususi Amerkə ğıvvon icroc karde məsələ barədə təəxi icud karde fikədə bıbu parlamen bo dıvləti məcbur kardero zumandə ğərol iyən loihə hozzo bəkay.

Həsən Şaker Əlkəəbi təsdiğış karde: tosə bə ısət Amerkə hərbiçion vədə dıvləti rəftor siyasi və diplomatik be, əmmo omə mərhələdə iminnə vəzir Mustəfa Əl-Kazımi plan və bərnomə bəpe beşərt, iyən rə xarıci hərbiçion ixroc karde şomil bıbu.

Dəvard sor iyən de Amerkə xəbisə cinoyətkorə plani vositə, Bəğdadi airporti ətrofədə şəhid Ğasım Suleymani iyən şəhid Əbu Məhdi Əl-Muhəndesi terrori bəpeşt, İraği parlamentədə Amerkə hərbiçion ixroc karde loihə təsdib be ki de Vaşənqtoni təsir eğande siyasəti hələ komil icra bəni.