Fevralə manqi inğilabi astanədə Bəhreynı məmləkətdə dastqirion ve bən.
Bəhreynədə insonə həxon mərkəzonku qıleni həmzəman Bəhreynı inğilabi 10 minnə sorəqardışi dəmeədə ım məmləkətdə dastqirion ve beku xəbəş doə.
Bəhreynədə insonə həxon mərkəzonku qıleni həmzəman Bəhreynı inğilabi 10 minnə sorəqardışi dəmeədə ım məmləkətdə dastqirion ve beku xəbəş doə.
Bə Əlaləm kanali xəbon əsosi BİRD nomo bə bəhreyniyə huğuğ və demokrasi muəssisə cumə ruji elanış kardə 18 həzo yolə şəhrvand və 11 qılə hırdən və noperəsə cıvon Bəhreynı inğilabi 10 minnə sorəqardışi astanədə dastqir bən.
Im hozzı kardə məlumatdə oməy çı hırdənonku əksəriyyət 1 haftə dastqir bən və jıqo bə nəzə rəsedə ki çı hərəkəton məğsəd, Bəhreynı inğilabi 10 minnə sorəqardışədə cəmaəti aksiyaon vəy qəteye.
Bə Ərəbi 21 nomo bıə xəbəriyə mərkəzi elanon əsosi Bəhreynı məsul şəxson cumə ruji elanışon kardə 2 qılə, 13 sorə noperəsə cıvonışon desbə çəvon məhkəmə bərpo be zəman hırdənon və noperəsə cıvonon mərkəzədə dastqir vəziyyətdə oqətəşone və bı nezonədə çəvon həxədə ğanoniyə tədbiron nəzədə bəqəten.
Bəhreynı huğuğiyə muəssisəon həm elanışon kardə Bəhreynıjə məsul şəxson fevrali 14 minnə rujiku bə nav xəyli əmniyətiyə kadronışon,xususi bə şiə ənıştə dion vığandəşone.
Əfv beynəlxalğə təşkilat həm qıləy bəyonotdə elanış kardə Bəhreynı milləti inğilabiku 10 sor dəvarde bəpeştə hədəfinə zılm ve bə və zılm iyən siyasiyə sitəm əmələn har qılə sulhinə hərəkət iyən ozodə sıxani həxi navış qətə.
