Amerkə xarici koon vəzir yəmənı Ənsarullah hərəkat və Səudi Ərəbıstoni miyonədə canqi bə oxo rosneyu otəşbasti təşkil kardeku xəbəş do.
Nov 16, 2016 10:19 Asia/Tehran
Amerkə xarici koon vəzir Con Kerri yəmənı Ənsarullah hərəkat və Səudi Ərəbıstoni miyonədə canqi bə oxo rosneyu otəşbasti təşkil kardeku xəbəş do.
Bə Press TV xəbon əsosi Amerkə xarici koon vəzir zinə bə İ bə ərəbon əmirəti təşkil doə səfəri bəpeştə de jurnaliston təşkil doə mısohibədə votışe: yəmənı Ənsarullah iyən Səudi Ərəbıstoni miyonədə otəşbast 2016 minnə sori noyabri 17 minnə ruji icra bəbe.
Amerkə xarici koon vəzir əlavəş karde yəmənədə dave bıkə tərəfon təvafuğışon kardə milliyə vəhdət devləti təşkil doeyu desbə ımsortə sori oxo fəaliyyət bıkən.
təğribən 600 ruj bə yəmənı zid Səudi Ərəbıstoni hucumon bino beku dəvardəy və 10 həzo nəfərisə ve yəmənıj ki əksəriyyət ğeyre hərbionku hestin kıştə bən.
