Ğəzaxıstani Astanə şəhrədə bıə Suriyə sulh muzakirəon oxonə bəyaniyə.
Ğəzaxıstani Astanə şəhrədə bıə Suriyə sulh muzakirəon, de oxonə bəyaniyə sadir karde təmom be.
Im bəyaniyə Yanvari 25 ədə Astanədə handə be və çəy dılədə ğeyd be: Astanədə Suriyə sulh muzakirəon qıləy muğaddəmə muzakirə be ta Suriyə devlət iyən Suriyə muxalifə qrupon miyono sə rostə muzakirəon omə Cenevrə muzakirəon astanədə zəminə hozzo bıbu.
Bəyaniyədə təkid be: həmmə tərəfon bəpe bə terroristiyə qrupon əcumlə DAEŞ və Ənnusrə cəbhə zidd mubarizə kardəro cəhd bıkən ijən de beynəl-xalğiyə ğətnoməon bərobər Suriyə barədə omə sulh muzakirəon həm vey rə ijən de silahinə miyonə roədə hərəkətəkə qrupon huzuri Cenevrədə bərpo bıbu.
Haminə bəyaniyədə bə Suriyə ərazi təmamiyyəti oqtə, muxalifə qrupon və Suriyə devləti miyono muzakirəon dəvom, ijən hərbiyə roonku bə kəno mande təkid be və omə ki: bə əmniyyət şura 2254 ğətnomə əsosi ijən de Suriyə devləti dustə kişvəron təkidi bərobər, Suriyədə daveon bəbe sə kardə bıbu ijən de 2165 nomo ğətnomə bərobər bəpe bə Suriyə bepənohə millət komək bıbu.
Həmçınin ğeyd be ki Suriyə həmə vıronədə bo otəş basti bərğəror karde ro bəpe qıləy heyət bə sulh və otəş bast nəzorət bıkə, siyasiyə muzakirəon həmçınan dəvomış bıbu ta bo mıvəğğətə devləti təşkil doero zəminəon hozzo bıbon əmmo harcurnə otəş bast bə İŞİD və Ənnusrə qrup aid ni.
Ğeyd bıkəmon ki Suriyə buhrani barədə muzakirəon de İron, Rusiyə və Tırkiyə mıştərəkə vindemoni zinə Ğəzaxıstanədə bə oxo rəse.
Məvuji həmə tərəfon muzakirə nəticəku rozi bən və ğəror be ki omə dıvrə muzakirəon Fevrali 8-ədə Cenevrə bərpo bıbu.
